Philippe Mpayimana ngo natorwa azafungura imfungwa za politiki

Philippe Mpayimana yatunguye benshi, yemererwa kuziyamamariza umwanya wa Perezida wa Repubulika
Partager/Share/Sangiza

07/07/2017, yanditswe na Jean-Claude Mulindahabi

Muri iki kiganiro musanga ku mpera z’iyi nyandiko, Philippe Mpyimana yatubwiye ibintu bibiri by’ingenzi yakora byananiye abasanzwe ku butegetsi ndetse avuga ko atowe yafungura imfungwa za politiki.

Philippe Mpayimana ni we mukandida wenyine mu bakandida bigenga wemerewe kuzimamariza umwanya wa Perezida wa Repubulika mu matora yo muri Kanama uyu mwaka.

Ibi byatangajwe na Komisiyo y’igihugu y’amatora kuri uyu wa gatanu tariki ya 07 Nyakanga 2017. Bikaba byashyizwe ahabona na Perezida w’iyi Komisiyo Prof. Kalisa Mbanda. Philippe Mpayimana yashyizwe lu rutonde ntakuka ruriho n’abari bemejwe mu cyumweru gishize ari bo Jnerali Paul Kagamé usanzwe ari Perezida nwa Repubulika akaba azayimamaza ku nshuro ya gatatu, akaba ari umukandida wa FPR Inkotanyi, akaba ari nawe uyobora iri shyaka, hari kandi na Dr Frank Habineza w’Ishyaka riharnira demokarasi no kurengera ibidukikije (Democratic Green Party of Rwanda).

Philippe Mpayimana yatunguye benshi kuko hari hashize icyumweru NEC ivuga ko abamusinyiye ko bamushyigikiye ari kimwe cya kabiri cy’abasabwaga umukandida wigenga. LECP yamubajije uburyo yakoresheje ngo mu minsi itarenga itanu abe yarangije kubona abo yari yarabuze mu gihe kirekire yamaze azenguruka u Rwanda.
Icyatunguye abantu kindi ni uko umwari Diane Shima Rwigara atemerewe nyamara benshi bamubonaga nk’umukandida watanze ibyasabwaga byose nk’uko ubwe yabisobanuraga. Diane Rwigara muri iyi minsi yari yatangaje ko yasinyiwe n’abantu barenga 1100 mu gihe yasabwaga 600. Mu bandi batemerewe harimo Gilibert Mwenedata na Fred Barafinda.

2 Comments on "Philippe Mpayimana ngo natorwa azafungura imfungwa za politiki"

  1. You actually make it seеm so easy with your presentɑtion but I find this matter to Ƅe actualⅼу s᧐mething which
    I think Ι would nevеr underѕtand. It seems too complicated
    and very broad for mе. I am loοking forwarԁ
    for your next post, I’ll try to get the hang of
    it!

  2. rl5yU4 Quite Right I definitely liked the article which I ran into.

Leave a comment

Your email address will not be published.


*


Social Network Widget by Acurax Small Business Website Designers