18/06/2018, Ikiganiro mwateguriwe kandi mugezwaho na Tharcisse Semana.
Nyuma y’ukwezi twibutse ku nshuro ya 20 iyicwa rya Seth Sendashonga, Ukuri k’Ukuri kwegereye umufasha we, Cyriaque Sendashonga, aratubwira akari imurore.
Mu gice cya mbere tugiye kubagezaho, aratubwira uko we n’abana be bibuka muri rusange itariki y’iyicwa rya Seth Sendashonga n’uko bakiriye ubuhamya bw’abaje kwifatanya nabo i Bruxelles mu Bubiligi ku itariki ya 2 z’uku kwezi kwa gatandatu, aho ”Institut Seth Sendashonga” yamuritse igitabo yise ”Inzira y’ubutwari” ku munsi ngarukamwaka wo kwibuka Seth Sendashonga nk’umunyapolitiki waranzwe buri igihe cyose n’ibitekerezo bya politiki yo kushyira hamwe n’abandi no kureba mbere na mbere inyungu rusange za rubanda no kwimakaza umuco wa demokarasi n’imiyoborere myiza y’igihugu (constance des idées d’ouverture – à l’autre – et de politique de la ”bonne gouvernance de la chose publique”).
