19/03/2025, Yanditswe na Habimana Vincent
Kuva FPR-Inkotanyi yafata ubutegetsi, m’uw’1994, ikoresheje uruhembe rw’umuheto, kwica no kwigabiza ibya rubanda yabigize intero yayo n’inyikirizo. Kugarika ingogo no guhiga bukware abatavuga rumwe nayo, imbere mu gihugu no hanze yacyo, yabigize intego ihoraho. Ubugome, urugomo n’ubwicanyi ndengakamere yatangiriye ku banyarwanda mu Rwanda yiyemeje no kubukomereza mu muhanga, ku banyarwanda no kubanyamahanga. Imyaka 30 yose irashize igarika ingogo. Abantu benshi ubu bibaza igihe izunamurira icumu.
Kuva FPR-Inkotanyi ya Paul Kagame yagera kubutegetsi yarishe, irambura, ihiga bukware abatavugaruwe nayo. Mu bwicanyi bwayo ndengakamere, ubutaruhuka, yarashyokewe ubwicanyi yakoraga i Rwanda ku banyarwanda ibukomereza no mu muhanga. Ubu abantu benshi bibaza igihe izunamurira icumu.
Ibyo yakoraga mu myaka mirongo itatu ishize n’ubu iracyabikora ntacyo yikanga ariko igiteye inkenke kurushaho ni uburyo yagiye igira abayishyigikiye bakanayifasha mu migambi mibisha yayo. Ikigaragara aho ibintu bigeze ubu, abantu basigaye bayivumira kugahera cyane ko yabangamiye abanyarwanda itaretse n’abanyamahanga. Benshi mu abanyarwanda no mu abanyaahanga bayishigikiye ndetse no mubayirwanyije kuva mu ikubitiro, beeza ko ubu igeze kumuteremuko.
Hari benshi mubanyarwanda bagiye bayiburira kenshi, bavuga bati byaje tubireba turicecekera, yatumazeho umuryango turaceceka none igezeho itumarira abana, ubu rero nitwe ikurikijeho. Abagwa ku rugamba mu ntambara yateje z’amabuye y’agaciro uri Repebulika iharanira deokarasi ya Kongo (RDC) ariko ikabeshya ko ihiga interahamwe nibo benshi. Ubu rero bigaragara ko yatangiye kwikora mu nda. Abenshi babaye ibitambo by’ubusahuzi n’ubwicanyi bwayo. Igeze aho ishimuta, urubyiruko ku ngufu ikarujyana kurwana muntambara zidafite ibisobanuro.
FPR mu mayeri menshi yogushaka abo ijyana ku rugamba
Abakurikira amatangazo ya leta nta mezi abiri akihirika hadatanzwe itangazo rihamagariria abajya mu ngabo no mugipolisi. Ibyo byose byitwa gukorera igihugu ariko siko bimeze kuko izo ntambara ari izigamije ubusahuzi bw’amabuye y’agaciro muri RDC. Ikindi kandi bariya ni abo tubona kuko abandi bajyanwamo ku ngufu, bagashimutirwa mu mirenge iwabo cyangwa mu utugari bakoherezwa iyo mu mashyamba ya Kongo, bamwe bakanagwayo. Imiryango itabarika ihora itegereje ko abana babo bagira batya bakagaruka igaheba. Abo amahirwe baragaruka ariko imyishi muri iyo miryango ubu isa n’iyayifhanaguye kubera kuara imyaka n’imyaka idaciye iryera abayo cyangwa ngo hagire uyigezaho amakuru y’abayo. FPR n’abakada bayo bafite amayeri menshi mu gushaka abasore ijyana kurugamba. Muri iki gihe ugira utya ukabura umuntu mwari muturanye ntumenye aho yagiye n’igihe yagendeye, wajya kubona hashize nk’umwaka ukabona ifoto ye bamubika ko yapfuye!
Hari benshi bari abaturanyi no mu bavandimwe bacu bagiye bazimira gutyo. Abantu batagira ingano bakomeje kugwa gutyo muri izo ntambara zitagira ibisobanuro za FPR-Inkotanyi na Paul Kagame yashoje muri Repubulika iharanira demokarasi ya Kongo. Abataziguyemo (abo umuntu yakwita abanyamahirwe) bazikomerekeramo bikabije ku buryo ubu abantu bahisemo kuruca bakarumira, kuko nta n’aho bapfa batanga ikirego cy’uburenganzira bwabo n’ubwo ababo bakomeje gupfa no kuzikomerekeramo.
Bamwe mu rubyiruko bashukwa na FPR bikarangira baburiwe irengero…
Cyiza Michel, rumwe mu ngero z’abashukwa na FPR bikarangira baburiwe irengero. Uyu musore Cyiza Michel ni umwana wa Nzeyimana Joseph na Nyiranzabahimana Annonciathe avuka mucyahoze ari Cyangugu. Bivugwa ko yaba ari muri bamwe mubegerewe bitewe nibyo yakoraga mugushuka rumwe murubyiruko ngo rujye mu myitozo yo kurinda umutekano nyuma rukaza kujyanwa mu mirwano muri Kongo. Nyuma bivugwa ko yaburiwe irengero kuva mu kwezi kwa Nzeri 2023, bamwe bavuga ko yaba nawe yarajyanywe muri izo ntambara abandi bakavuga ko batazi iyo abarizwa. Gusa igitangaje ni uko hari abavuga ko inzego z’umutekano zikibaza aho yaba aherereye. Iryo yitana bamwana hagati y’abantu ari abo bakoranye ari ababyeyi be ndetse n’abashinzwe umutekano rikomeje gutera inkenke kubuzima bw’abantu benshi bakomeje kuburirwa irengero. Bamwe bikagaragra ko bapfuye urupfu rutavugwaho rumwe kandi ntibanangwe mu Rwanda. Ubu rero abenshi bakomeje kwibaza irengero rya benshi harimo n’uwo musore witwa Cyiza Michel. Uyu musore, Cyiza Michel yigishaka mu kigo cy’amashuri cyo mukarere ka Rusizi.
