16/06/2020, Ikiganiro “Ukuri k’Ukuri” mutegurirwa kandi mukagezwaho na Tharcisse Semana.
Amizero y’u Rwanda – Espoir du Rwanda/Rwanda Hope – mu isabukuru y’imyaka 25 ikomeje intero yayo n’inyikirizo igira iti: « Igikorwa cy’Urukundo ntikigira ibara, ubwoko, akarere cyangwa idini »!
Mu ndangururamajwi yayo Amizero y’u Rwanda – Espoir du Rwanda/Rwanda Hope – iremeza ko kugirango habeho Ubumwe, Ubwiyunge n’Ubutabera ari ngombwa ko abanyarwanda mu moko yabo yose: – Abahutu, Abatwa n’Abatutsi – bakwiye kwicarana bakaganira ku mateka yabo nta kuryaryana (bagasasa inzobe); amateka yabo mabi n’ameza bakayabwizanya ho Ukuri, amabi bakayakira yose uko ari kandi ntapfunwe naho ameza yo bakayaheraho, akababera inkingi mwikorezi yo kubakiraho ejo heza hazaza h’igihugu.
