CAN 2017: Kameruni imaze gutwara igikombe itsinze Misiri 2 – 1 (tubagezeho incamake mu mashusho)

Ku nshuro ya gatanu, "Les lions indomptables" ikipe ya Kameruni yatwaye igikombe cy'Afurika, ku mukino wa nyuma yatsinze Misiri 2-1, i Libreville. Ifoto (c) I.Sanogo/AFP

05/02/2017, yanditswe na Jean-Claude Mulindahabi

Mu mukino wa nyuma w’irushanwa ryo guhatanira igikombe cy’Afurika cy’ibihugu mu mupira w’amaguru, Kameruni imaze gutsinda Misiri ibitego bibiri kuri kimwe, i Libreville muri Gabon.

Misiri ni yo yafunguye izamu ku munota wa 22, igitego cyayo kinjizwa na Elney. Kameruni yacyishyuye mu gice cya kabiri ku munota wa 59, gitsinzwe na Nkoulou. Igitego cy’intsinzi , Kameruni yakibonye habura iminota itatu ngo 90 isanzwe y’umupira w’amaguru irangire, kinjizwa na Vincent Aboubakar. Ni ku nshuro ya gatanu ikipe y’igihugu ya Kameruni (Les lions indomptables) itwaye iki gikombe, (yagitwaye mu w’1984, 1988, 2000, 2002, n’uyu mwaka w’2017).

Ejo kuwa gatandatu Burkina Faso yatsindiye umwanya wa gatatu muri iri rushanwa, itsinze Ghana igitego kimwe ku busa.

Incamake mu mashusho y’umukino wa nyuma:

Kameruni 2-1 Misiri

Incamake y’umukino wo guhatanira umwanya wa gatatu:

Burkina Faso 1-0 Ghana

Please follow and like us:
Plugin for Social Media by Acurax Wordpress Design Studio
RSS
Follow by Email